Ouer mense wat jonk was eens op ‘n tyd.

20 jaar klink nie na so lang tyd nie,maar wanneer jy met mense praat wat jy 20 jaar laas gesien het;dan kan dit lank wees.

Daai tyd was ons jonk ek 25 en hulle 20 , amper tieners nog maar tog nie. Maande se rondry in ‘n Toyota Venture. Ure op paaie en stofpaaie.Kringe om die maan en die geklop op die aarde.Die Gamtoos en Karoo,Vrystaatse vlaktes en die Noord Kaap. Dit was ons toé. En nou..

Nou is ons almal,of amper veertig of halfpad vyftig toe al.

Hulle het kinders en doen drugs,ek het ook al dagga gerook,en dit het my siek gemaak.

Wel nie almal doen drugs nie net een ou wat ook Pa is.

Wat gebeur in 20 jaar se tyd? Die lewe gebeur.

Ons het nooit gepraat oor wat ons wil doen,met wie ons getroud of saam wie jy jou lewe wil deel nie. Ook het ek nooit gedink dat ek deel sou wees van “new families” nie. ‘n Pa van twee as deel van ‘n moderne gesin,”hersaamgestelde gesinne” het ek al van gehoor en nou is ek deel van dit. En dit is lekker om Pa te wees;geen boek leer jou nie. Dag vir dag vat ek dit soos dit kom.Dis al wat ek kan doen.

Dit vat langer as gewoonlik om die blog te skryf,meer soos dae as ure.

Hierdie krap diep maar dis nodig.Marinus het gevra wat soek ek daar?20 jaar gelede?Ek soek daai “familie”gevoel van toe,onskuld en die toekoms van toe wat nou is. Maar hulle is weg,soms net gedagtes en herinneringe,maar tog nog daar.

Ek het my familie,sonder aanhalingstekens. En ek is lief , en ek word gelief.

20 jaar is die moeite werd om geleef te word. Leef …

Advertisements

Hoe dit is

Steve Hofmeyer sing mos “Dis hoe dit is”

Hoe is dit dan met als wat in ons wêreld gebeur ? Suid- Afrika het gestem, en Cyril kraai koning; weer.

Spekulante reken dalk 5 jaar, of wie weet hoe lank.

Ons gaan terug op dit wat reeds gebeur het,maar dalk moet ons vir ‘n slag vergewe en fokus op hoe dit kan wees,en daaraan begin werk.

Ons kan nie sommer vergeet nie maar ons kan vergewe. Dit gaan oor jouself nie die ander om jou nie.

Diep en asem

“Haal diep asem en ontspan, flippit , wanneer laas het ek dit gedoen? Té lank terug.

Wel so voel ek na maande se werk en hardloop , nie letterlik hardloop nie , ek sal vrek neerslaan iewers langs die pad as ek moet hardloop.

Langs die pad het ek wel iets verloor met tyd ; net om stil te staan of te stop en die lewe te sien en te aanskou.Of ‘n foto te neem van mooi.

Al wat ek kan doen en vertel is dit , ek is rustig, en ek moet rustiger want dan leef ek meer.

Blaai en scroll jou brein weg.

eie foto iewers in KZN een winter.

Dit het my ‘n rukkie geneem.

Blaai – blaai scroll tot vervelens toe , ure en ure later sit ek die foon neer, hoofpyn gekyk na mense en hul dinge; soos in die Huisgenoot van vroeër dae , voor Internet en Google .

Die dae toe ons biblioteek moes gaan en net  Wêreldspektrum of Kennis gehad om skooltake te doen. Jy moes karton koop by CNA , prentjies afrol, uitknip met Pritt plak; dit nadat jy met die Pritt buisie spinnerakke getrek het met jou vingers .Als is net vinniger en Mammas doen in elk geval die take omdat die kinders so besig is ;en ek dink dis bederf; met WIFI , streaming, sport, perdry en als.

Wel deesdae Google ons als, wie se als is waar anyway op Google? Mense en hul kennis is mos nie altyd waar nie? Die WWW het ons breine en lewens oorgevat.

Sosiale media , wat is so sosiaal daaraan ?

 Het jy al families dopgehou wat op hul fone “social media” ? Hulle kyk nie op nie , families gaan eet uit maar niemand sê niks , die kinders op die tablet besig met Fortnite of so iets,net sodat Pa en Ma, Ma en Ma , Pa en Pa net in vrede kan eet en nie die geneul in die ore moet beleef nie.

Gaan jy Pretoria Dieretuin of is dit deesdae Tshwane Dieretuin toe kry jy geen gholfkarretjie vir jou en jou gesin nie, want als is uitgeboek met groepies gamers wat Pokemon en sy maatjies soek .

Wel dalk maak die dieretuin darem geld om navorsing te doen vir die voorbestaan van sekere spesies , da tons die spesies nie  net kan sien in museums wat in elk geval verval het  in Suid Afrika;of Nat Geo Wild moet kyk hoe olifante en renosters gelyk het nie.

Leeus en so aan sal seker darem nog ‘n rukkie bestaan.

Scroll scroll tot vervelens toe en mis als rondom jou.Die dae van by die venster uitkyk iewersheen oppad is verby.

Screen time om jouself te toets hoelank jy op jou foon was en met watter toep, watse kak is dit ?

Wat de donner gaan met ons breine aan ? Die konsep van die global village is toe waar , ons wêreld het verklein tot ‘n spikkel op ‘n foon .

En saam dit het ons vermoë en breine verklein sodat ons nie meer vir onsself wil of kan dink nie .

Ruk jouself dalk net eens weer uit jou foon se brein en gebruik jou eie .

Hou op scroll en als glo wat jy lees of wat iemand share , sharing is lankal nie meer caring nie , eerder om jou ook te vergal met onwaar siek stories.

Dis al.

Paar seisoene, en winter daarby.

Dis amper herfs , maar nog nie regtig nie. Die son verras ons effe later elke dag, die oggende raak koeler.

Ek is geneig om dié tyd van elke jaar ontslae te raak van goed wat my terughou,seker nie altyd nie. Maar tog. Soms raak ek geirriteerd met myself, of hoe die lewe rondom my gebeur. Met sulke tye wil ek graag verandering bring , of iets beteken vir ‘n medemens.

Dan vra ek vrae oor die lewe , wat is die doel dat ek nog lewe?

Waarom dink jy lewe jy nog ?

Sekerlik omdat ek en jy dalk nog paar seisoene ander moet help sien dat al is die wêreld omgekeer met als wat gebeur elke dag;dit die moeitewerd is om op te staan,dat ek en jy nogsteeds asem haal en dalk vandag daai skouer is vir iemand.

Life from vantage point…


Forget not that the earth delights to feel your bare feet and the winds long to play with your hair.


Kahlil Gibran

Die lewe is soos ons dit sien en ervaar. Soos ek gister vir ‘n hartsmens sê ” eie gedagtes kan mens op#@%, ” maar aan die ander kant , jy kan jouself kampioen maak , of op jou eie mishoop kraai.

So, die blog se naam is the vida lenta guy , dit kom aan vir paar jaar al , die hele #leefstadig, slow life , vida lenta . Die hele idee is om die lewe rustiger te vat , en dan dalk langer te leef. Oorspronklik was dit ‘n page op facebook, maar ek is verlos daarvan.

So nou begin ek hier. Lees maar weekliks wat in my kop en hart aangaan. Ek vertrou dat iemand ook stadiger sal leef met tyd.

Viva Vida Lenta.